O alcalde presentou esta mañá as grandes cifras do orzamento para 2021 que alcanza os 264 millóns aos que hai que sumar as inversións previstas pola Deputación na cidade. Trátase, dixo, dunha cifra récord para “mobilizar a economía” nun ano que se prevé “moi difícil”.
O alcalde avanzou este martes os investimentos que recolle o Orzamento Municipal para o vindeiro ano de 25,8 millóns de euros, que se suman ao investimento previsto cos remanentes de case 36 millóns de euros e aos que cómpre sumarlle o investimento doutras institucións na cidade. Entre as partidas máis destacadas figuran as humanizacións (10,6 millóns), o Estadio de Balaídos (6 millóns de euros), 2,3 millóns do programa DUSI ou máis de 1,5 millóns para Política Social.
Abel Caballero anunciou este martes que a segunda fase da Vía Verde, entre Vía Norte e Teis, terá un investimento de 2,9 millóns de euros. O alcalde visitou á zona e sinalou que está previsto que a obra estea rematada a finais de 2021.