A modificación puntual do Plan Xeral de Ordenación Urbana para a reordenación do ámbito do Barrio do Cura foi aprobada este martes na sesión extraordinaria do Pleno da Corporación Municipal. Tanto PSOE como PP votaron a favor, mentres que Marea posicionouse en contra e o BNG abstívose. Agora, o documento pasa a exposición pública durante dous meses.
O novo espazo conta con 1.500 metros cadrados en dúas alturas, cunha mega estrutura de aeronave espacial. A apertura do parque, situado a carón do instituto do Calvario, será o vindeiro venres, 11 de outubro, ás 18:00 horas.
A Xunta de Goberno Local aprobará na próxima sesión o expediente de contratación do subministro dun sistema de accesibilidade web para as páxinas de turismo, transparencia, a sede electrónica municipal e vigo.org.
A proba celebrarase o domingo 27 de outubro no IFEVI, organizado pola Asociación Española contra a Meninxite co apoio, entre outros, do Concello. Para nenos e nenas de entre dous a cinco anos, este evento benéfico aspira a superar as 300 inscricións do pasado ano, cos fondos recadados destinados integramente á difusión e apoio de afectados pola enfermidade.<br />