A Xerencia Municipal de Urbanismo solicitará este xoves a inclusión das súas cinco actuais Áreas de Rehabilitación Integral de vivendas (Aris) para poder percibir axudas que chegan ata o 75% do investimento. O custe dos investimentos rondaría os 6,5 millóns para un total de 262 actuacións nas que o Concello achegaría preto dun millón de euros e o Ministerio case 2,5 millóns.
Abel Caballero avanzou esta mañá a vontade do Ministerio de Transición de estudar solucións de futuro para o abastecemento de auga na cidade. Cualificou a conclusión do encontro con Teresa Ribera de "altamente satisfactorio" dado que a ministra entendeu "perfectamente o problema, a dificultade coa que hai que afrontar esta nova situación de efectos de cambio climático con novas actuacións".
Abel Caballero denunciou que o goberno de Núñez Feijóo "marxina" ao porto vigués, despois de que a Xunta reclamara ao Estado a condonación de 300 millóns de débeda do porto exterior de Coruña e "nada para Vigo", sendo este "a porta de entrada e saída da economía de Galicia". O rexedor esixe a Feijóo explicacións e responsabilidades.
O alcalde de Vigo, Abel Caballero, recibiu hoxe no Concello aos tres internacionais vinculados a Vigo por nacemento ou por pertencer a un club local que acaban de disputar os Campionatos do Mundo de baloncesto en cadeira de rodas coa selección española e coa australiana.