O alcalde de Vigo participou este martes na inauguración da nova Estación Depuradora de Augas Residuais (EDAR) do río Lagares, que xa funciona de forma provisional e que garante o saneamento da cidade e da ría de Vigo durante o próximos 50 anos. Caballero mostrouse satisfeito pola posta en marcha da infraestrutura e avanzou que o Concello tomará posesión o vindeiro mes de maio.
Abel Caballero recorda que a autovía alternativa Vigo-Porriño é "unha demanda histórica" e avanzou que terá "o meu aplauso entusiasta" se o anuncio do presidente vén acompañado de "orzamento, proxecto e obra". Por outro lado, o rexedor lamentou que Rajoy non dixera "nin unha palabra" do AVE directo Vigo-Madrid.
O alcalde anunciou este martes que desde esta semana está en funcionamento unha nova liña nocturna de autobús para os pasaxeiros do aeroporto de Vigo. O servizo, financiado desde o Concello, ten como obxectivo atender aos viaxeiros do último enlace aéreo con Madrid e estará a proba todo o mes de abril.
Abel Caballero enxalzou que a Gala de entrega da Medalla da Cidade e dos Vigueses Distinguidos 2018 -na tarde deste martes no Teatro García Barbón- é "o acto de honra a cidadáns que o merecen pola súa dedicación á cidade" e tamén "unha forma de entender Vigo desde a unidade, desde un proxecto colectivo que compartimos todos os vigueses"
O rexedor estará en Samil o próximo 8 de abril para dar a saída na XIX edición da Vig Bay que, un ano máis, reunirá a máis de 5.000 afeccionados ao atletismo. Na presentación da proba, o rexedor agradeceu o seu traballo a organizadores, patrocinadores e voluntarios.