O alcalde transmitiu esta mañá o seu apoio aos traballadores do Nicolás Peña cos que mantivo esta mañá un encontro no que estes profesionais lle trasladaron a intención da Xunta de pechar todo o hospital -excepto a área de siquiatría- durante 15 días. Caballero amosou a súa absoluta disconformidade con esta decisión e así llo trasladará por carta a Alberto Núñez Feijóo.
Balaídos será escenario un ano máis das finais da Vigo Cup, que este verán entra na súa decimoquinta edición, "porque a verdadeira ilusión dos que xogan o torneo de fútbol base é disputar a final no estadio", explicou o alcalde, Abel Caballero, durante a rolda de prensa de presentación do evento.
A proposta que levará a cabo o goberno local con Chano Rodríguez pasa por ofrecer charlas-coloquio nos centros educativos da cidade para concienciar aos escolares das especificidades e necesidades do deporte para discapacitados e trasladarlles os valores que representan. No caso de Susana Rodríguez Gacio, o Concello apoia á triatleta no seu proxecto de disputar os xogos paralímpicos de Río 2016. O alcalde de Vigo, Abel Caballero, firmou este venres ambos convenios de colaboración.
A Xunta Local de Goberno aprobou hoxe a apertura do proceso de actualización de "Vigo hospitality", unha guía turística que se distribúe por todos os hoteis da cidade. Tal e como indicou o rexedor, esta ferramenta púxose en marcha por primeira vez en 2013 e xa forman parte dela 43 empresas.
No marco do programa "Vente con Nos" que acolle o convenio de colaboración que ten asinado a Concellería de Cultura Festas e Museos coa Agrupación de Centros Deportivos e Culturais da nosa cidade, informase da apertura do prazo de admisión de solicitudes ata ás 13.30 horas do día 12 de xuño do presente ano. O formulario de solicitude está a disposición das entidades asociativas interesadas na oficina de Información situada na lonxa do Concello e nas web municipal (www.vigo.org) e www.vigocultura.org<br />
As persoas físicas ou xurídicas que teñan intención de realizar unha fogueira a noite de SAN XOAN deberán solicitala no Rexistro Xeral do concello, cunha antelación mínima de quince días (15) ao evento, especificando nome, enderezo, teléfono e D.N.I.(achegar fotocopia) dos/das responsables, plano de situación coa indicación do lugar (solicitado na oficina de Información urbanística).Deberase acompañar anexo indicando as medidas de seguridade a adoptar.
A Concellaría de Normalización Lingüística organiza un roteiro literario e toponímico pola Ría de Vigo e a Illa de Ons. Seguiremos o desenvolvemento da novela Os fillos do mar, de Pedro Feijoo e coñeceremos máis sobre os nomes de lugar da nosa ría.Guiarán este percorrido Pedro Feijoo, Xosé Lois Vilar (arqueólogo) e Gonzalo Navaza (investigador da toponimia).
O Concello de Vigo, a través da concellería de Educación, convoca a preinscrición para os obradoiros monográficos de verán 2015 da Escola municipal de teatro (EMT), co obxectivo de ofrecer aos participantes recursos técnicos e creativos complementarios á súa formación. Cunha compoñente fundamentalmente práctica, están dirixidos a persoas maiores de 15 anos con relación e/ou afección co mundo do teatro.
