xoves, 29 decembro 2011

O alcalde presenta un orzamento "austero e realista" para 2012, volcado no emprego e na política social

O alcalde, Abel Caballero, e a concelleira de Economía e Facenda, Raquel Díaz, informaron hoxe xoves dos orzamentos elaborados polo goberno local para 2012, un texto "austero e realista" de 219,9 millóns de euros, un 3,02% menos que o actual. Caballero identificou o emprego, a construción dunha cidade sostible e a política social como eixos dun orzamento con 18,3 millóns de investimento, que aforra en gasto corrente e de persoal e incrementa as partidas para xeración de emprego e atención social.