A Xunta de Goberno Local aprobou hoxe xoves o proxecto de modificación da Ordenanza Municipal de Protección do Medio Ambiente contra a Contaminación Acústica, cuxa principal novidade consiste na declaración como Zonas Acusticamente Saturadas (ZAS) de 31 rúas na súa totalidade e doutras tres de maneira parcial.
O Consello da Xerencia Municipal de Urbanismo aprobou inicialmente, na súa reunión de hoxe xoves, o proxecto de urbanización do PERI IV-09 Baixada a San Roque, cos votos favorables de PP, PSdeG-PSOE e BNG e a abstención do PG.
O Salón do Mar e da Náutica Vigo NAU 2007 abriu hoxe xoves as súas portas no IFEVI, coa participación duns 112 expositores das empresas máis representativas do sector e a presenza dunha vintena de estaleiros.
As compañías MC4Dança, do Porto, e Cabo San Roque, de Barcelona, presentan mañá venres no MARCO e na Casa das Artes, respectivamente, os seus traballos no campo da danza e da música, dentro do Festival Alternativo de Teatro e Danza de Vigo ALT o.7.