A alcaldesa, Corina Porro, presentou hoxe luns os actos que dentro do programa VIGO5 van ter lugar na nosa cidade para celebrar a saída da Volta ao Mundo a Vela. Estes actos desenvolveranse do 5 ao 12 de novembro no porto, no mar e nas rúas co obxectivo de que todos participen.
O Ifevi albergará a exposición sobre o Titanic entre o 28 de outubro ata o 15 de xaneiro de 2006 e que presentou hoxe luns a alcaldesa,Corina Porro xunto co comisario da exposición, Jesús Ferreiro e o reprentante de Caixanova, Guillermo Brea, como entidade patrocinadora.
A Xunta de Goberno Local, reunida hoxe luns, decidiu adxudicar, por uns 86.000 euros, as obras de humanización da rúa Alfonso X El Sabio, así como a subministración de dous dumpers para o parque móbil municipal, por uns 48.000 euros.