A partir do próximo ano reducirase o prezo do billete do transporte urbano aos pensionistas do tipo 1. Así o declarou hoxe a alcaldesa Corina Porro trala reunión do Consello Sectorial de Transportes, que tamén acordou as novas tarifas para o billetes de autobús urbano e de taxi.
O Consello da Xerencia de Urbanismo de hoxe aprobou o programa de medidas urxentes para a axilización da tramitación de expedientes na Xerencia Municipal de Urbanismo, un plan que ten por obxectivo que, nun prazo de 6 meses, os expedientes estén ó día e, a partires dese momento se poidan cumprir os prazos legais, é dicir, que as licencias se concedan nun prazo non superior ós tres meses.
A Alcaldía decidiu a ampliación do alumeado de Nadal en vintecinco rotondas e glorietas da cidade. A actuación realizase a proposta do departamento municipal de Vías e Obras e consiste na instalación de mangueiras de cor branco nos bordes das circunferencias das rotondas.