O Verbum acolle desde este martes a exposición "El Cid y su época"
Con motivo do oitavo centenario do Cantar de Mio Cid, desde este martes o museo Verbum-Casa das Palabras acolle a exposición "El Cid y su época", que trasladará no tempo a escolares e adultos, permitíndolles participar na aventura de explorar a historia ao lado dos seus protagonistas.
De forma amena, pero sen esquecer as fontes históricas, os visitantes poderán achegarse á figura de Don Rodrigo Díaz de Vivar, un dos heroes populares por excelencia, e prototipo de cabaleiro fidalgo e guerreiro. Así mesmo, adentraranse no contexto no que viviu o Cid e coñecerán algúns dos acontecementos de maior relevancia dentro da historia española.
A exposición "El Cid y su época" permancerá no Verbum ata o 10 de febreiro, de martes a domingos, en horario de 10.00 a 19.00 horas. Pódense concertar citas para visitas guiadas no teléfono 986 240 130. A entrada é gratuíta.
A exposición "El Cid y su época" permancerá no Verbum ata o 10 de febreiro, de martes a domingos, en horario de 10.00 a 19.00 horas. Pódense concertar citas para visitas guiadas no teléfono 986 240 130. A entrada é gratuíta.