As estrelas das "Tardes e Noites Vivas" son os mozos e mozas de Vigo
Os mozos e mozas de Vigo serán as verdadeiras estrelas na vindeira fin de semana dentro do programa "Tardes e Noites Vivas" da Concellería de Xuventude, onde se celebrará o cásting "Ti es a estrela" para seleccionar as persoas que amosarán as súas dotes artísticas, a finais de decembro, en modalidades como o baile, a música e os monólogos.
Pero non só serán protagonistas os que acudan ao cásting. Para o resto celebraranse diversos obradoiros nos que, ademais de pasalo ben, poderán conseguir diferentes destrezas: defensa persoal, baile moderno, hip-hop, improvisación teatral, técnicas para falar en público, parkour, tocar a guitarra co teclado do ordenador, etc.
Ademais, poderán participar no sorteo de 25 MP4, 20 marcos dixitais, 20 altofalantes con webcam e micro e tres bicicletas pregables.
A programación completa de Tardes e Noites Vivas pódese atopar na Casa da Xuventude (r/ López Mora, 31), Punto Xove (r/ López de Neira, 27), Espazo Xove do Castro (no Monte do Castro, ao carón da pista de bicicletas) e nos stands da Concellería de Xuventude nos diferentes centros comerciais, institutos, etc.
Máis información na Casa da Xuventude (López Mora, 31),
teléfono: 986 294 806, correo electrónico: xuventude@vigo.org.
Ademais, poderán participar no sorteo de 25 MP4, 20 marcos dixitais, 20 altofalantes con webcam e micro e tres bicicletas pregables.
A programación completa de Tardes e Noites Vivas pódese atopar na Casa da Xuventude (r/ López Mora, 31), Punto Xove (r/ López de Neira, 27), Espazo Xove do Castro (no Monte do Castro, ao carón da pista de bicicletas) e nos stands da Concellería de Xuventude nos diferentes centros comerciais, institutos, etc.
Máis información na Casa da Xuventude (López Mora, 31),
teléfono: 986 294 806, correo electrónico: xuventude@vigo.org.