O alumeado deste Nadal custará un 60% menos
Menos horas e menos días de iluminación de Nadal é o que propón o Goberno municipal para conseguir aforrar un 60% de consumo enerxético por esta causa con respecto ao Nadal pasado.
Así, se no ano 2006 a iluminación de Nadal se acendeu o 30 de novembro, este ano farase o 12 de decembro. Tendo en conta que a data de apagado será a mesma en ambos os casos (o 6 de xaneiro), o total de días con alumeado será de 12 menos.
Ademais, reducirase o número de horas de funcionamento da iluminación. Tanto na temporada pasada como na que vén as luces de Nadal acenderanse ao mesmo tempo que o alumeado público, pero se antes sempre se apagaban ás 03.00 horas nesta ocasión farano ás 11.00, de luns a venres, e ás 12.00 os sábados, domingos e festivos. No primeiro caso son catro horas menos, mentres que no segundo son tres.
O tenente de alcalde, Santiago Domínguez, adiantou que estes horarios se poderán ampliar en "datas sinaladas" como os días de Noiteboa, Fin de Ano e Reis. Domínguez presentou o alumeado de Nadal este xoves xunto coa concelleira de Servizos Xerais, Isaura Abelairas.
En total, o alumeado deste Nadal permanecerá aceso 189 horas e media menos que o do pasado, o que suporá un aforro do 60,3% no consumo estimado de kilowatios por hora (63.781 fronte a 160.474) e no custo previsto dese consumo (7.949 euros fronte a 20.000).
O orzamento da iluminación de Nadal é de 250.000 euros. Esta cantidade destinarase a financiar o consumo de electricidade xa mencionado, ademais de máis de un millón de lámpadas, 625 elementos (bonecos de neve, estrelas, campás, bólas…), 200 arcos e 42 maceteiros.
Os espazos iluminados serán 73 rúas, 26 prazas e rotondas, 19 parroquias e seis mercados. Neste sentido, Santiago Domínguez salientou a estensión do alumeado de Nadal a "todos os barrios e parroquias". Ademais, a inauguración da iluminación terá lugar este ano na zona peonil do Calvario e non no centro da cidade como viña sendo costume.
Descargar todas as imaxes
Ademais, reducirase o número de horas de funcionamento da iluminación. Tanto na temporada pasada como na que vén as luces de Nadal acenderanse ao mesmo tempo que o alumeado público, pero se antes sempre se apagaban ás 03.00 horas nesta ocasión farano ás 11.00, de luns a venres, e ás 12.00 os sábados, domingos e festivos. No primeiro caso son catro horas menos, mentres que no segundo son tres.
O tenente de alcalde, Santiago Domínguez, adiantou que estes horarios se poderán ampliar en "datas sinaladas" como os días de Noiteboa, Fin de Ano e Reis. Domínguez presentou o alumeado de Nadal este xoves xunto coa concelleira de Servizos Xerais, Isaura Abelairas.
En total, o alumeado deste Nadal permanecerá aceso 189 horas e media menos que o do pasado, o que suporá un aforro do 60,3% no consumo estimado de kilowatios por hora (63.781 fronte a 160.474) e no custo previsto dese consumo (7.949 euros fronte a 20.000).
O orzamento da iluminación de Nadal é de 250.000 euros. Esta cantidade destinarase a financiar o consumo de electricidade xa mencionado, ademais de máis de un millón de lámpadas, 625 elementos (bonecos de neve, estrelas, campás, bólas…), 200 arcos e 42 maceteiros.
Os espazos iluminados serán 73 rúas, 26 prazas e rotondas, 19 parroquias e seis mercados. Neste sentido, Santiago Domínguez salientou a estensión do alumeado de Nadal a "todos os barrios e parroquias". Ademais, a inauguración da iluminación terá lugar este ano na zona peonil do Calvario e non no centro da cidade como viña sendo costume.