Concello e Ibercaja achegan a música clásica a máis de 1.200 escolares vigueses
A Camerata Clásica Española ofrece, grazas á colaboración do Concello e a Obra Social e Cultural de Ibercaja, o programa didáctico "Atrévete coa música clásica", no que participarán máis de 1.200 alumnos de 5º de primaria a 2º de ESO. Será no Auditorio Municipal os días 12, 13 e 14 de decembro.
Ao longo das sesións os 30 centros de ensino de Vigo participantes, programadas para as 10.30 e as 12.00 horas, os alumnos terán a oportunidade de achegarse á música clásica, ofertada no marco do programa educativo músical "Vigo por dentro". Neste sentido, o concelleiro de Educación, Ignacio López-Chaves, recordou que a formación de públicos no ámbito da música é unha das prioridades do Concello.
Todos os centros de ensino participantes recibiron material didáctico para realizaren traballos previos de motivación nas súas aulas. Este material inclúe o caderno didáctico da actividade e un cuestionario para promover o debate e a reflexión entre os alumnos.
"Atrévete coa música clásica" pretende introducir os escolares de xeito ameno no amplo e variado repertorio musical a través das súas distintas épocas: formas medievais, poesía popular, romance, renacemento, barroco, música poética, clasicismo, ópera, zarzuela e canción española, entre outras.
O guía nesta viaxe será a Camerata Clásica Española, formada por músicos especialistas no repertorio clásico que pertencen a agrupacións de cámara de prestixio e recrean dun xeito suxestivo nos seus concertos os aspectos máis salientables da música española do século XVIII.
Descargar todas as imaxes
Todos os centros de ensino participantes recibiron material didáctico para realizaren traballos previos de motivación nas súas aulas. Este material inclúe o caderno didáctico da actividade e un cuestionario para promover o debate e a reflexión entre os alumnos.
"Atrévete coa música clásica" pretende introducir os escolares de xeito ameno no amplo e variado repertorio musical a través das súas distintas épocas: formas medievais, poesía popular, romance, renacemento, barroco, música poética, clasicismo, ópera, zarzuela e canción española, entre outras.
O guía nesta viaxe será a Camerata Clásica Española, formada por músicos especialistas no repertorio clásico que pertencen a agrupacións de cámara de prestixio e recrean dun xeito suxestivo nos seus concertos os aspectos máis salientables da música española do século XVIII.