Escoitar

A web do Concello habilita o correo cidadá

A web municipal pon en marcha o correo cidadán e diversos servicios que achegan o Concello os cidadáns, permitíndolle facer trámites sen ter que desprazarse á institución e dispoñibles as 24 horas do día sete días a semana, e segundo anunciou hoxe a concelleira Lucía Molares.<br />

luns, 10 mai 2004
O correo cidadán permite a tódalas persoas residentes en Vigo con acceso a Internet, o uso dunha conta de Correo facilitada polo Concello, para as súas relacións mediante correo electrónico.

Características do Servicio do Correo Cidadán

-Pode ser utilizado de xeito libre polos cidadáns, coa única restricción de estar empadroados en Vigo.
-A conta de correo pode ser obtida directamente desde a Web municipal (www.vigo.org),no apartado Correo do Cidadán.
-Os usuarios do correo dispoñen de xeito gratuíto de 2 MB de espacio en disco, con un tamaño máximo de mensaxe de 1MB, e unha velocidade de transferencia de 2 Mbps.
-O Correo Cidadán pode ser utilizado, ademais do uso particular, para recibir comunicacións do Concello de asuntos do seu interese, si así o solicita.
-O servicio de Correo do Cidadán respecta as normas de protección de datos de carácter persoal (Lei 15/1999), pois non aporta ningún dato novo ós que que o Concello xa posúe do cidadán na Base de Datos do Padrón de Habitantes.

A plataforma de Correo é proporcionada por R coas seguintes características:
-Correo web mail / POP3
-Servidores de alta dispoñibilidade.
-Arquitectura escalable, baseada no número de contas e no uso das mesmas.
-Seguridade física e lóxica.
-Antivirus na plataforma.
-Servicio de recepción e resolución de incidencias 24x7.

A conta de correo é do xeito, usuario@vigo.es