VigoCultura congrega 8.696 asistentes no primeiro semestre de 2026
“Un gran éxito”, apunta o rexedor, ao facer balance do desenvolvemento do primeiro semestre da programación municipal que ofreceu 26 espectáculos para tódolos públicos.
O primeiro semestre de 2026 de VigoCultura pechou sumando 8.696 asistentes aos espectáculos que se representaron no Auditorio Municipal. Foron un total de 26 actuacións, das que unha delas, a da apertura desenvolveuse, na rúa Príncipe ao aire libre.
Tal e como explicou Abel Caballero, as representacións de VigoCultura “foron un éxito” coa capacidade da sala “case completa” na maioría dos espectáculos, que se ofreceron desde o mes de xaneiro e ata o 2 de maio para diferentes públicos, con temática variada e prezos accesibles, que tiveron “moi boa acollida”.
“Foi un gran éxito e xa estamos preparando o segundo semestre deste ano 2026. A cultura é o primeiro”, indicou o alcalde, ao informar da subvención de 350.000 euros que o Concello dedica á programación do Auditorio Municipal.