Cultura estudia rebaixar o prezo da entrada ao Verbum
Analizar a situación dos museos de Vigo foi o obxectivo da xuntanza que mantivo hoxe o concelleiro de Cultura, Ignacio López Chaves, cos responsables técnicos dos museos municipais e das oficinas de Cultura e Patrimonio Histórico do Concello. Na reunión tratouse a necesidade de rebaixar o prezo das entradas do Verbum o que implicaría a modificación da ordenanza o que regula.
No encontro tratouse tamén aspectos para revitalizar e potenciar a zona de arqueoloxía do Museo de Castrelos e coordinar tódalas actividades de carácter cultural para a súa difusión a través dunha axenda de actividades.
Na reunión, presidida polo Concelleiro de Cultura, estiveron presentes Rafael Ojea, xefe da oficina municipal da Concellería de Patrimonio Histórico; Ignacio Oliveira, xefe da oficina municipal da Concellería de Cultura; Carlota Álvarez Basso, directora do MARCO e José Ballesta de Diego, director do Museo de Castrelos.
Descargar todas as imaxes
Na reunión, presidida polo Concelleiro de Cultura, estiveron presentes Rafael Ojea, xefe da oficina municipal da Concellería de Patrimonio Histórico; Ignacio Oliveira, xefe da oficina municipal da Concellería de Cultura; Carlota Álvarez Basso, directora do MARCO e José Ballesta de Diego, director do Museo de Castrelos.