O alumnado do CEIP O Pombal participa no programa "Visita o teu Concello"
O alcalde explicou hoxe aos 48 alumnos de sexto de primaria do CEIP O Pombal, que participan no programa "Visita ou teu concello" , o funcionamento da administración municipal e a importancia da actividade e das decisións que adopta cada día para o benestar da cidadanía de Vigo. A visita realizada este xoves polo alumnado do último curso de primaria do colexio de Lavadores súmase á realizada o martes polos seus compañeiros de cuarto de primaria. Ao longo do curso máis de 2.000 escolares da cidade participan na iniciativa didáctica municipal para fomentar o coñecemento do Concello de Vigo.
