Vigo consolida o seu atractivo turístico cun nivel de ocupación dos voos do 77 por cento en febreiro
Os últimos datos de ocupación dos voos do aeroporto vigués confirman que se consolidan os niveis de atracción turística da cidade, segundo constatou este xoves Abel Caballero, ao avanzar que no mes de febreiro o nivel de uso dos avións alcanzou o 77 por cento.
O alcalde explicou que durante o pasado mes de febreiro o nivel de ocupación do aeroporto de Peinador rexistrou un incremento do 5 por cento con respecto ao mesmo mes de 2023, ao contar cun 77 por cento. Apuntou que se contabilizaron 78.000 pasaxeiros, así como os altos niveis “excepcionalmente altos” de usuarios dos voos de Madrid, Barcelona, Gran Canaria ou Londres.
“É o éxito da cidade de Vigo atraendo viaxeiros e turismo, e a nosa capacidade de ocupar un lugar tan importante no panorama europeo como cidade de referencia”, afirmou o rexedor .