Os colexios públicos de infantil terán 355.000 euros para o programa de autoxestión do mantenimento
Abel Caballero anunciou este xoves que a xunta de goberno de Vigo aprobará mañá a axuda de máis de 355.000 euros destinada a colexios públicos de infantil e de primaria para cubrir o custo das reparacións para realizar nas instalacións escolares, así como unha asignación de 1.050.000 euros para a xestión das escolas municipais infantis de Tomás Alonso e Bouzas.
Abel Caballero explicou que, co programa de autogestión, que contará neste ano con 355.000 euros, os centros escolares afrontan o mantemento, conservación e reparación das súas instalacións con actuacións preventivas de pequena entidade.
O alcalde indicou que dos 50 colexios que contarán con fondos para afrontar o mantemento ordinario das instalacións atópanse seis de educación infantil; 43 de educación primaria, e un de educación especial.
Contratación da xestión das escolas municipais infantis de Tomás Alonso e Bouzas
O rexedor avanzou este xoves que o goberno local aprobará a contratación do servizo das escolas municipais infantís de Tomás Alonso e de Bouzas, por un importe anual de 525.000 euros cada unha. “Estamos en torno ao 1.050.000 euros para a gratuidade das actividades educativas, de alimentación e de todo o que ten que ver co coidado dos nenos”, incidiu.
Caballero lembrou que as escolas municipais de Vigo “son completamente gratuítas, incluído o comedor”, e que son financiadas ao cento por cento polo Concello .