Caballero valora o éxito dos concertos de Castrelos 2023
O alcalde manifestou que xa está a traballar nos concertos de Castrelos para o verán do ano 2024: “Este ano foi o mellor e o próximo será aínda mellor”, expresou ante os medios. Abel Caballero cualificou de “éxito e calidade” as actuacións deste verán, coa presenza de Andrés Calamaro, David Bisbal, Pablo López, Alejandro Sanz, a Coral Casablanca, Bad Gyal, Ana Mena, David Guetta e Beret, amais dos espectáculos infantís. Caballero di “é difícil calcular a asistencia” e cifrou a afluencia de público por enriba dos 600.000. Os concertos de Castrelos contaron cun “Punto Lila” para a concienciación na loita contra a violencia de xénero e a igualdade.
