A danza urbana encherá a Porta do Sol coa nova edición do Vikul

Os 14 e 15 de xullo, na Porta do Sol en Vigo, celebraranse os shows de danza urbana que tanta alegría, emoción e asombro trouxéronnos nas anteriores edicións. Neles, participarán case 600 bailaríns de todas as idades. Escolas de toda a comunidade galega e norte de Portugal realizarán máis de 50 shows de danza urbana nos dous días.

Pasaron xa once anos daquel primeiro VIKUL no Museo Marco de Vigo e das exhibicións que tanto gustaron a todos os vigueses na rúa do Príncipe. VIKUL naceu urbano, hip hop no seu máis pura esencia, na rúa, de onde provén, ofrecendo formación con grandes coreógrafos internacionais aos nosos bailaríns vigueses e con impresionantes shows de danza que deixan pampo ao mundo da danza local, nacional e internacional desde entón.

É por iso, que este ano quixemos traer a un dos nosos artistas preferidos desde Os Ánxeles, ese artista que, un decembro de fai once anos, fixo vibrar a rúa do Príncipe coas coreografías que acababa de ensinar aos seus alumnos e deixando encandeados a moitos nenos daquel entón que agora son xa grandes bailaríns, Viet foi unha fonte de inspiración para todos eles.

Viet Dang, vietnamita e criado en Suíza, deixou o seu país con grandes expectativas e querendo facer os seus soños realidade mudándose aos Ánxeles. E así sucedeu, en moi pouco tempo, Viet non só apareceu xunto a Jennifer López, senón que chegou a bailar nos Premios Grammy e nos American Music Awards (AMA’S) con artistas como Dua Lipa, Rihanna e Christina Aguilera. Tamén participou como bailarín en videoclips para artistas como Beyoncé, Justin Timberlake, e Nelly Furtado.

Acompáñanos tamén nesta edición, dúas grandes coreógrafas de Dancehall, DyanaDua e Branca GUMA. Diana Duarte, vén do Porto, Fundadora Dancehall Portugal, unha talentosa profesora de baile Dancehall, que deixou pegada na escena do baile en Portugal e dedicou a súa carreira a empoderar ás mulleres a través da arte e a expresión corporal. Con máis de dez anos de experiencia como profesora de Dancehall, Dyana foi titora de equipos de competición en Portugal, participado exitosamente, en eventos internacionais como o Reggae Dance Championship en Kingston.

Branca Gutiérrez, é bailarina e coreógrafa profesional recoñecida polo seu traballo coa artista Bad Gyal ademais de crear trends virales con temas da cantante. En 2018, o dancehall cativou a Branca e mergullouse na aprendizaxe da súa historia, técnica e cultura. En 2019, formouse intensivamente para profundar a súa comprensión deste estilo. de orixe jamaicano. Actualmente, Branca imparte clases de dancehall na todos os niveis por toda Europa.

As masters destes tres grandes bailaríns, impartiranse de forma gratuíta no foodcourt de Vialia, o venres e sábado en horario de mañá.