A Finca Solita volve combinar o patrimonio e a música
O 7 de xullo comeza a programación de sete concertos enmarcados no programa Curiosidades Solita. O patrimonio combínase coa actuación de grupos novos ou artistas con referencias diferenciadoras.
O 7 de xullo comeza un ano máis o ciclo de concertos na Finca Solita, un proxecto cultural no que se combina o coñecemento do patrimonio da cidade e a música en directo co obxectivo de converter o espazo nun encontro histórico-artístico.
No 2023 a proposta segue a liña de programacións anteriores, cunha programación caracterizada pola intervención de grupos novos ou artistas con referencias musicais diferenciadoras.
Todos os concertos serán ás 21 horas, dando comezo o 7 de xullo coa actuación de Filloas. O 14 de xullo subirá ao escenario Faíscas; o propio fará o día 21 Lamprea Explosiva + Zunzun; e o 28 ITH. Xa no mes de agosto o día 4 actuará Txvvasko, o día 11 Doomnight e pechará o ciclo Sergio de Miguel: atlántica.