A bandeira do Pobo Xitano ondeará no Concello o día 8 de abril
O alcalde estivo reunido na xornada de hoxe con representantes da Fundación do Secretariado Xitano, que achegaron a súa bandeira ao Concello para proporlle ao rexedor, un ano máis, que ondeara na Casa Consistorial. O día 8 celébrase o Día Internacional do Pobo Xitano, unha xornada na que se reivindica o seu dereito ao recoñecemento e á igualdade. Caballero informou que a bandeira estará xunto ás institucionais o 8 de abril e que a Federación exporá o seu manifesto no próximo pleno.
