O goberno local está disposto a asumir a totalidade do apoio económico institucional ao Marisquiño
O alcalde pon de manifesto o “apoio masivo” do Concello á celebración de O Marisquiño e manifesta estar disposto a asumir a totalidade do financiamento institucional se non hai colaboración desde outros ámbitos.
Abel Caballero expresou a vontade de asumir o apoio económico na súa totalidade para a celebración do Marisquiño: “Facemos un apoio masivo”, afirmou. Di que non se pode permitir que a falta de apoio por outras administracións poña en risco o evento de cultura e deporte urbano.
Como xa anunciara na fin de semana, as probas de Dirt Jump e BMX celebraranse na Avenida de Samil, polo que será necesario desviar o tráfico para a comodidade na celebración das probas e o propio tránsito de vehículos. Deste xeito, estas probas súmanse ao Skate, que xa estreouse o ano pasado nas instalacións de Samil.