A Policía Local suma 10 novos oficiais que elevan a 335 os axentes activos
Dez novos oficiais de Policía Local súmanse aos 46 axentes que tomaron posesión esta mesma semana. Con esta incorporación, xa son 335 axentes os que forman parte do cadro de persoal.
O alcalde presidiu esta mañá a toma de posesión de dez novos oficiais de Policía Local. Estes novos axentes, que ascenden por promoción interna, súmanse aos 46 efectivos que asinaron a súa praza como funcionarios o pasado luns. Tal e como explicou o rexedor, o Concello seguirá convocando as prazas vacantes ata completar o cadro de persoal, composto agora por 335 policías operativos.