Escoitar

O censo de Vigo suma 1.000 habitantes no que vai de ano e achégase a histórica cifra de 300.000

Abel Caballero informou este martes de que, a 25 de agosto, a cidade contaba cun total de 299.040 persoas censadas, case 1.000 máis que o pasado mes de xaneiro, polo que Vigo está a un paso de acadar a histórica cifra de 300.000 habitantes.

martes, 27 ago 2019
"É unicamente unha curiosidade, pero tamén un dato significativo". O alcalde de Vigo, Abel Caballero, desvelou este martes en rolda de prensa que a cidade está a punto de acadar os 300.000 habitantes, unha cifra histórica nunca lograda ata o de agora. "Creo que é froito do optimismo e o crecemento da cidade", sinalou o rexedor na súa comparecencia ante os medios de comunicación. Segundo explicou, o censo municipal do pasado 25 de agosto marca un total de 299.040 empadroados, cando o pasado mes de xaneiro era de 298.054. Os datos do Instituto Nacional de Estatística (INE) de xaneiro indicaban que a cifra era de 295.323 habitantes, polo que alcalde engadiu que haberá que esperar aos datos finais.

Becas de inglés
Por outra banda, o alcalde sinalou que entre o 16 e o 23 de setembro, 900 estudiantes vigueses de 4º de ESO disfrutarán das súas becas do programa municipal "Vigo en inglés". Caballero explicou que non quedou ningún alumno na lista de agarda e que todos os estudantes que solicitaron a beca e cumplen os requisitos poderán participar no programa. Nos vindeiros días haberá unha reunión informativa coas familias.