"Os mercados de Vigo teñen un produto extraordinario, en espazos modernos e servidos por profesionais"
O alcalde de Vigo, Abel Caballero; a presidenta da Deputación de Pontevedra, Carmela Silva, e o deputado de Cooperación, David Regades, acudiron este martes ao mercado do Progreso de Vigo onde tivo lugar a xornada "Degusta Europa".
A iniciativa "Degusta Europa", impulsada pola institución provincial en mercados da provincia de Pontevedra con motivo do Día de Europa, que se celebra este mércores, ten por obxectivos trasladar "a innovación e vangarda gastronómica, da man do alumnado dos centros Manuel Antonio de Vigo e Carlos Oroza de Pontevedra, e poñer en valor os nosos mercados elaborando tapas con produtos das nosas rías e da nosa terra inspirados en Europa", asegurou a presidenta provincial Carmela Silva.
O alcalde de Vigo amosou a súa satisfacción pola parada do programa "Degusta Europa" no mercado do Progreso de Vigo. Ao respecto, Caballero enxalzou que "os mercados de Vigo teñen un produto extraordinario, en espazos modernos e servidos por profesionais, que os converten nos mellores mercados do mundo".
O alcalde de Vigo amosou a súa satisfacción pola parada do programa "Degusta Europa" no mercado do Progreso de Vigo. Ao respecto, Caballero enxalzou que "os mercados de Vigo teñen un produto extraordinario, en espazos modernos e servidos por profesionais, que os converten nos mellores mercados do mundo".
