O Concello demanda á Xunta que garanta as condicións de seguridade e saúde no colexio Rodríguez Castelao de Navia
A moción do grupo do goberno de Vigo foi apoiada pola Marea, coa abstención do PP, e insta á Xunta de Galicia a que tome as medidas necesarias para garantir as condicións de seguridade e saúde do alumnado e persoal do CEIP Alfonso Rodríguez Castelao, actualmente en obras. <br />
Segundo estipula o texto na súa exposición de motivos, os docentes, alumnado, familias e persoal laboral do nomeado centro educativo de Navia "vense obrigados a convivir e traballar entre obras, molestias e ruídos baixo un continuo risco para a integridade física", ademais de existir "unha evidente falta de espazos".
"É responsabilidade da administración educativa favorecer un contexto no que todos os estudantes poidan acceder con seguridade ás súas clases e recibir en igualdade de condicións unha educación pública de calidade", apunta o texto, polo que o acordo votado demanda da Xunta a adopción de "todas as medidas que garantan a seguridade e a saúde do alumnado, persoal docente e resto de persoal educativo e que as clases se desenvolvan nas condicións adecuadas".
A concelleira de Educación, Olga Alonso, fíxose eco das queixas trasladadas pola Asociación de Nais e Pais de Alumnos/as do Rodríguez Castelao sobre as condicións do colexio coas obras, situación que xa lle expuxeran ao alcalde de Vigo nunha reunión anterior.
"É responsabilidade da administración educativa favorecer un contexto no que todos os estudantes poidan acceder con seguridade ás súas clases e recibir en igualdade de condicións unha educación pública de calidade", apunta o texto, polo que o acordo votado demanda da Xunta a adopción de "todas as medidas que garantan a seguridade e a saúde do alumnado, persoal docente e resto de persoal educativo e que as clases se desenvolvan nas condicións adecuadas".
A concelleira de Educación, Olga Alonso, fíxose eco das queixas trasladadas pola Asociación de Nais e Pais de Alumnos/as do Rodríguez Castelao sobre as condicións do colexio coas obras, situación que xa lle expuxeran ao alcalde de Vigo nunha reunión anterior.