Escoitar

A Federación de Peñas inaugurará local no mes de marzo

mércores, 15 xan 2003
A concelleira de Participación Cidadá, Mariló Cabaleiro, visitou as obras de acondicionamento do local que acollerá a sede da Federación de Peñas Recreativas ”El Olivo” na praza de Galegos Ilustres.

A superficie total do local é de 262,50 m2 que dará cabida ós usos que precisa a asociación, flexibilizando os espacios de forma que o seu uso poida compartirse por diversas actividades. O local contará con zona de acceso, zona de oficinas e despachos, salón de actos, zona da vocalía da muller, baños e almacén.

O proxecto da obra responde a un encargo da concellería de Participación Cidadá á Oficina de Obras e Proxectos Municipais da Xerencia de Urbanismo.

Mariló Cabaleiro anunciou que a inauguración do local da Federación está prevista para a segunda quincena de marzo.