Exposición "Emilio Fernández Rodal (1912-1972). Retrato de Sociedade dun artista vigués"
Esta é a primeira exposición retrospectiva que se lle realiza a Emilio Fernández Rodal en Vigo desde o seu finamento no ano 1972. A Escola Municipal de Artes e Oficios de Vigo quere homenaxear así a creación artística dun notable retratista que iniciou a súa vocación nas aulas desta Escola e que non dubidou en devolverlle parte da súa inspiración, impartindo clases de debuxo e pintura ou recuperando, trinta anos despois, o Certame de artistas noveis neste mesmo centro. Na mostra exhíbense case medio centenar de obras pictóricas do autor e imaxes e documentación que ilustran o contexto social e cultural da súa creación e da súa época.<br />
Fernández Rodal naceu en Cangas, e trasládase coa súa familia a Vigo con trece anos por mor do nomeamento do seu pai como director das Escolas Nieto. Na adolescencia, con catorce anos, comeza os seus estudos artísticos na Escola de Artes e Oficios de Vigo baixo a titoría do profesor de debuxo Maximiliano Vidales.
Pronto comezou a desenvolver as súas inquietudes artísticas colaborando co grupo formado ao redor do I Salón de Primavera de Vigo e a concesión da primeira bolsa de estudos outorgada pola Deputación de Pontevedra con 19 anos. Tras unha primeira etapa de formación na Escola de Belas Artes de Madrid, retornou a Vigo e comezou a desenvolver a súa carreira artística coa primeira exposición individual no ano 1932.
O servizo militar en África nos anos 1933-34 e o comezo dos seus estudos de Maxisterio traerían un período de certa inactividade pictórica que se acentuaría co período de preparación da oposición para o corpo de Maxisterio e o estalido da Guerra Civil. Tras o parón da contenda militar consegue a praza de Bibliotecario municipal en Vigo (1946), que co tempo compaxinou coa de Técnico de Cultura e Arte do Concello de Vigo. A partires de mediados dos anos 40 do século pasado desenvolveu con certa regularidade a súa actividade artística na que destacou como retratista.
Tamén cabe subliñar a súa participación activa na dinamización cultural da cidade coa participación nos grupos artísticos da Vigo, como a Sociedade Amigos del Arte de Vigo, as tertulias artísticas do café Tropical ou o Derby, a recuperación da Batalla das Flores (1961) xunto a Maximino Fernández, ou a Exposición de Artistas Noveles (1961) cos seus compañeiros de xeración.
Producción da exposición: Escola Municipal de Artes e Oficios de Vigo
Comisario: José Luis Mateo Álvarez
Lugar: Espazo EMAO, edificio da Escola, entradas polas rúas Pontevedra e Rosalía de Castro
Datas: do 19 de abril ao 6 de xuño de 2013 / Inauguración 19 de abril ás 19:00 horas
Horario de apertura: de luns a venres de 19:00 a 21:00 horas
Descargar todas as imaxes
Pronto comezou a desenvolver as súas inquietudes artísticas colaborando co grupo formado ao redor do I Salón de Primavera de Vigo e a concesión da primeira bolsa de estudos outorgada pola Deputación de Pontevedra con 19 anos. Tras unha primeira etapa de formación na Escola de Belas Artes de Madrid, retornou a Vigo e comezou a desenvolver a súa carreira artística coa primeira exposición individual no ano 1932.
O servizo militar en África nos anos 1933-34 e o comezo dos seus estudos de Maxisterio traerían un período de certa inactividade pictórica que se acentuaría co período de preparación da oposición para o corpo de Maxisterio e o estalido da Guerra Civil. Tras o parón da contenda militar consegue a praza de Bibliotecario municipal en Vigo (1946), que co tempo compaxinou coa de Técnico de Cultura e Arte do Concello de Vigo. A partires de mediados dos anos 40 do século pasado desenvolveu con certa regularidade a súa actividade artística na que destacou como retratista.
Tamén cabe subliñar a súa participación activa na dinamización cultural da cidade coa participación nos grupos artísticos da Vigo, como a Sociedade Amigos del Arte de Vigo, as tertulias artísticas do café Tropical ou o Derby, a recuperación da Batalla das Flores (1961) xunto a Maximino Fernández, ou a Exposición de Artistas Noveles (1961) cos seus compañeiros de xeración.
Producción da exposición: Escola Municipal de Artes e Oficios de Vigo
Comisario: José Luis Mateo Álvarez
Lugar: Espazo EMAO, edificio da Escola, entradas polas rúas Pontevedra e Rosalía de Castro
Datas: do 19 de abril ao 6 de xuño de 2013 / Inauguración 19 de abril ás 19:00 horas
Horario de apertura: de luns a venres de 19:00 a 21:00 horas