As rúas de Vigo acollerán o 19 de maio a marcha ciclista de UNICEF

O 19 de maio é a data elexida para que a Marcha ciclista UNICEF discurra polo centro de Vigo, un acto para incidir na importancia que lle prestamos aos máis pequenos. Así o anunciou o rexedor que esta mesma mañá mantivo un encontro con responsables da ONG en Vigo. Outro dos asuntos que se abordaron durante a reunión foi retomar a petición de que Vigo sexa Cidade dos nenos Galardón de UNICEF, destacando que xa somos Mención especial pola atención que prestamos á infancia con actuación en parques, escolas, deporte, ocio e "imos insistir nesta liña", avanzou. Durante a súa intervención, lamentou a decisión de PP e BNG de eliminar a partida orzamentaria para parques, "un inmenso error", dixo.