Escoitar

Cinco millóns de cupóns da ONCE levarán a imaxe do Bicentenario por toda España

O alcalde de Vigo, Abel Caballero, o director da ONCE na cidade, Arturo Parrado e a presidenta do Consello Territorial da ONCE de Galicia, Dolores Venancio, presentaron hoxe venres o cupón conmemorativo do Bicentenario da cidade cuio sorteo realizarase o 27 de outubro. Preto de 22.000 axentes vendedores comercializarán un billete que percorrerá o país.

venres, 22 out 2010
1287752544once.JPG
O alcalde de Vigo, Abel Caballero, recibiu da man dos responsables da prancha que reproduce fielmente o orixinal utilizado na imprenta do cupón. Na presentación destacouse que os cinco millóns de cupóns que se comercializarán o 27 de outubro levarán a imaxe de Vigo a todos os recunchos de España. Neles pódese ver a imaxe do Bicentenario xunto á inscrición de "Título a la villa de Vigo como ciudad Fiel, Leal y Valerosa. Bicentenario 1810-2010".

Os cupóns da ONCE serán comercializados polos 22.000 axentes vendedores e por 1,5 euros ofrecerán a posibilidade de acadar 50 premios de 35.000 euros ás cinco cifras e 500 euros aos números posterior e anterior ao agraciado, entre outros.

Abel Caballero anunciou ademais que a ONCE anuncioulle nesta mañá que traducirá a braille o libro "Vigo é cor", no que compilarase a obra dos 35 artistas participantes na mostra que se enmarca dentro da programación do Bicentenario e que permanecerá aberta ata finais de novembro no Centro Cultural Caixanova.

O alcalde quixo agradecer a colaboración da ONCE na celebración do Bicentenario de Vigo e os definiu coma "compañeiros sempre presentes na cidade".
Descargar todas as imaxes