Santi Domínguez presenta 'Galegas. Retratos da igualdade' para visibilizar a aportación das mulleres á sociedade
O tenente de alcalde, Santi Domínguez, e a concelleira de Igualdade, Iolanda Veloso, presentaron a obra "Galegas. Retratos de igualdade", que segundo salientou o tenente de alcalde fai visible o papel das mulleres nos diferentes sectores da sociedade. A obra pon rostro a doce mulleres, entre as que se atopan unha xefa de obra, unha patrona dunha cofradia e unha empresaria do turismo do viño, a través dos textos de Carmen Sampedro e as imaxes de Anxo Cabada.
"Queremos que este libro serva para rendir homenaxe ás mulleres que se abren camiño tendo que demostrar máis que calquera home", salientou o tenente de alcalde. Na súa intervención tamén dixo que é obxectivo da publicación facer un "recoñecemento ás mulleres anónimas que loitan por facerse un hoco" e contribuír a que os homes se impliquen na igualdade, nunha sociedade na que aínda existen discriminacións.
Santi Domínguez afirmou que o traballo a prol da igualdade é un dos eixos fundamentais das áreas que coordina a Tenencia de Alcaldia, para acadar que Vigo sexa realmente unha cidade da igualdade. Como exemplo dese traballo puxo o Plan de Igualdade, recentemente aprobado en pleno. "É preciso que as discriminacións empecen a ser historia, porque a batalla da igualdade hai que librala todos os días", manifestou.
Ademais de divulgar o papel o papel das mulleres en distintos oficios, Iolanda Veloso subliñou que o libro busca "crear referentes femininos para nenas e mozas", co obxectivo de que vexan que hai mulleres traballando en profesións asociadas inicialmente a homes. "É fundamental que saiban que ademais de princesas poden ser enxeñeiras, patronas de pesca, investigadoras e calquera cousa que queiran", destacou.
A concelleira de Igualdade explicou que para elaborar a publicación os autores falaron con cada unha das protagonistas, de forma que o libro amosa as súas reflexións en primeira persoa sobre "as dificultades que viven as mulleres no noso país, pese a que se produciron cambios innegables nos últimos anos".
Carmen Sampedro e Anxo Cabada, finalmente, aseguraron que o traballo de preparación do libro supuxo unha experiencia tremendamente enriquecedora. "Cando se encara un traballo que pasa pola investigación, a realidade sempre é máis rica do que un se impón inicialmente", comentou a autora dos textos.
Descargar todas as imaxes
Santi Domínguez afirmou que o traballo a prol da igualdade é un dos eixos fundamentais das áreas que coordina a Tenencia de Alcaldia, para acadar que Vigo sexa realmente unha cidade da igualdade. Como exemplo dese traballo puxo o Plan de Igualdade, recentemente aprobado en pleno. "É preciso que as discriminacións empecen a ser historia, porque a batalla da igualdade hai que librala todos os días", manifestou.
Ademais de divulgar o papel o papel das mulleres en distintos oficios, Iolanda Veloso subliñou que o libro busca "crear referentes femininos para nenas e mozas", co obxectivo de que vexan que hai mulleres traballando en profesións asociadas inicialmente a homes. "É fundamental que saiban que ademais de princesas poden ser enxeñeiras, patronas de pesca, investigadoras e calquera cousa que queiran", destacou.
A concelleira de Igualdade explicou que para elaborar a publicación os autores falaron con cada unha das protagonistas, de forma que o libro amosa as súas reflexións en primeira persoa sobre "as dificultades que viven as mulleres no noso país, pese a que se produciron cambios innegables nos últimos anos".
Carmen Sampedro e Anxo Cabada, finalmente, aseguraron que o traballo de preparación do libro supuxo unha experiencia tremendamente enriquecedora. "Cando se encara un traballo que pasa pola investigación, a realidade sempre é máis rica do que un se impón inicialmente", comentou a autora dos textos.