O Concello de Vigo e a Cámara Muncipal de Porto asinan un protocolo de colaboración
O alcalde de Vigo, Lois Pérez Castrillo, e o presidente da Cámara Municipal do Porto, Nuno Cardoso, asinaron un protocolo de colaboración para crear unha Comisión Paritaria de Traballo constituída por representantes dos dous municipios, co obxectivo de promover o desenvolvemento de proxectos comúns.
Os contidos deste protocolo ”servirán de intercambio de experiencias entre os dous concellos como un paso máis de achegamento entre as institucións á hora de conseguir a cohesión da Eurorrexión”, explicou Lois Pérez Castrillo. ”Desde hai bastantes anos as dúas cidades comparten proxectos de futuro nos sectores económico, social, cultural e de xuventude enmarcados na Eurorrexión Galicia-Norte de Portugal”, proseguiu.
A elaboración de propostas técnicas necesarias para encontrar as solucións máis apropiadas á rede de infraestructuras ferroviarias entre as dúas cidades, co fin de trasladalas con posterioridade ás entidades nacionais, rexionais e europeas: a promoción do establecemento de acordos que permitan a realización de accións comúns ou a adhesión a algúns dos eventos xa previstos, no ámbito do ”Porto Capital Europea da Cultura 2001”, así como a organización de xornadas para dar a coñecer a capacidade de colaboración para definir unha extratexia común no sentido do desenvolvemento do marco político e económico da Eurorrexión son outros dos puntos acordados entre ambos representantes políticos.
No marco das iniciativas comunitarias de apoio ós países máis desfavorecidos, e no que respecta ás iniciativas transnacionais xestionadas polos municipios ou administracións locais, decidiron estudiar propostas de traballo conxuntas en programas que, utilizando a fórmula de partenariado, promovan o desenvolvemento de Vigo e Porto no marco da Eurorexión.
Este protocolo contribuirá ó ”estreitamento de lazos entrámbalas cidades e á cohesión dese espacio común integrado por Galicia e o norte de Portugal coa consolidación de proxectos de colaboración”, afirmou o alcalde de Vigo.
Pola súa parte, Nuno Cardoso, destacou a necesidade de que, desde un punto de vista institucional, se profundizase na ligazón de Vigo e do Porto e se incrementase o intercambio económico. A articulación do eixo Galicia-norte de Portugal é fundamental para o desenvolvemento desta zona, e xa que ”Vigo e Porto están cada vez máis próximos é necesario profundizar nas relacións entre estas cidades con grandes semellanzas”, concluiu Cardoso.
Os contidos deste protocolo ”servirán de intercambio de experiencias entre os dous concellos como un paso máis de achegamento entre as institucións á hora de conseguir a cohesión da Eurorrexión”, explicou Lois Pérez Castrillo. ”Desde hai bastantes anos as dúas cidades comparten proxectos de futuro nos sectores económico, social, cultural e de xuventude enmarcados na Eurorrexión Galicia-Norte de Portugal”, proseguiu.
A elaboración de propostas técnicas necesarias para encontrar as solucións máis apropiadas á rede de infraestructuras ferroviarias entre as dúas cidades, co fin de trasladalas con posterioridade ás entidades nacionais, rexionais e europeas: a promoción do establecemento de acordos que permitan a realización de accións comúns ou a adhesión a algúns dos eventos xa previstos, no ámbito do ”Porto Capital Europea da Cultura 2001”, así como a organización de xornadas para dar a coñecer a capacidade de colaboración para definir unha extratexia común no sentido do desenvolvemento do marco político e económico da Eurorrexión son outros dos puntos acordados entre ambos representantes políticos.
No marco das iniciativas comunitarias de apoio ós países máis desfavorecidos, e no que respecta ás iniciativas transnacionais xestionadas polos municipios ou administracións locais, decidiron estudiar propostas de traballo conxuntas en programas que, utilizando a fórmula de partenariado, promovan o desenvolvemento de Vigo e Porto no marco da Eurorexión.
Este protocolo contribuirá ó ”estreitamento de lazos entrámbalas cidades e á cohesión dese espacio común integrado por Galicia e o norte de Portugal coa consolidación de proxectos de colaboración”, afirmou o alcalde de Vigo.
Pola súa parte, Nuno Cardoso, destacou a necesidade de que, desde un punto de vista institucional, se profundizase na ligazón de Vigo e do Porto e se incrementase o intercambio económico. A articulación do eixo Galicia-norte de Portugal é fundamental para o desenvolvemento desta zona, e xa que ”Vigo e Porto están cada vez máis próximos é necesario profundizar nas relacións entre estas cidades con grandes semellanzas”, concluiu Cardoso.