Concello de Vigo Vigo org
Xornalxornal.vigo.org
  


Noticias da semana

Suscribirse


 
martes, 03 de decembro de 2019

Imprimir | Enviar | | Compartir:  


O Concello reordena o tráfico na rúa Venezuela para mellorar a fluidez e a seguridade de peóns

Abel Caballero anunciou este martes a reordenación de tráfico na rúa Venezuela para mellorar a fluidez da circulación e a seguridade de peóns e bicicletas. As modificacións entrarán en vigor este mesmo mércores.

O Concello de Vigo reordenará desde este mércores o tráfico na rúa Venezuela. Así o comunicou o alcalde, Abel Caballero, na súa comparecencia ante os medios. "O que buscamos cos cambios é unha maior fluidez do tráfico, ademais de darlle seguridade a peóns e patinetes", sinalou.

Así, o Concello implantará desde este 4 de decembro cambios no tráfico que afectarán os condutores. A primeira modificación afectará á entrada en Venezuela desde a Gran Vía. Actualmente o carril bus, que tamén pode ser empregado polos taxis e as motos, chega ata o parque infantil e a esa altura baixa cara a Simón Bolívar. A partir de agora, non será necesario efectuar ese desvío. Este carril especial continuará cara á Praza do Rei e Camelias de forma directa.

Ademais, os accesos desde a zona baixa de Simón Bolívar cara a Venezuela cambiarán totalmente e segundo anunciou Abel Caballero "por onde agora sóbese cara a Venezuela, baixarase e por onde agora se baixa, subirase".

Igualmente, baixando cara a Venezuela desde a parte alta de Simón Bolívar, onde está o centro comercial Praza E, poderase virar tanto cara á esquerda como cara á dereita. Para asegurar a correcta asimilación destes cambios, o Concello de Vigo despregará efectivos da Policía Local na zona que regularán a circulación e orientarán aos condutores.
Mais noticias
O alcalde celebra a "gran noticia" da aprobación provisional do proxecto da Avenida de Madrid
Adif garante ao alcalde que Vigo formará parte do corredor atlántico de mercadorías
O Auditorio Mar de Vigo celebra o Nadal con concertos, humor e musicais infantís
Caballero súmase á conmemoración do Día Internacional da Discapacidade


Volver á portada

© Gabinete de Prensa - Concello de Vigo 2003