O alcalde traslada a cooperación municipal á Cámara de Comercio de Vigo
Abel Caballero reuniuse este venres con José García Costas e con Víctor Varela, presidente e director xerente da Cámara de Comercio de Vigo, respectivamente, para abordar a continuidade da cooperación entre o Concello e a organización que aglutina a empresarios, comerciantes e profesionais da cidade co obxectivo de "dar impulso económico á urbe". O rexedor trasladoulles a colaboración municipal nos proxectos que desenvolven no marco da "relación fluída" entre ámbalas entidades.
