Os limpadores do Proxecto Actívate comezan as súas prácticas en setembro
A concelleira de Promoción Económica e Desenvolvemento Local, Lucía Molares, e o responsable de Recursos Humanos de Limpiezas del Noroeste S.A. (LINORSA) asinaron hoxe xoves un convenio para a realización de prácticas por parte dos 15 alumnos do itinerario de limpador do Proxecto Actívate.
Estas prácticas, complemento da formación teórica recibida polos alumnos, realizaranse durante o mes de setembro, cunha duración total de 100 horas por persoa, en diferentes establecementos dependentes do Concello de Vigo nos que LINORSA ten a concesión do servizo de limpeza.
O grupo de formación está conformado por demandantes de emprego con especiais dificultades para a súa inserción no mercado laboral. Así, a maioría deles son persoas cunha discapacidade intelectual lixeira que buscan unha oportunidade para amosar a súa valía profesional.
Ademais do itinerario de inserción laboral de "experto/a en limpeza", o Proxecto Actívate está a desenvolver os itinerarios de "teleoperador/a" e "axudante de cociña en centros escolares e sociosanitarios", tendo previsto iniciar proximamente os de "monitor/a-conductor/a de transporte escolar e adaptado", "auxiliar de axuda a domicilio" e "lavandería, lencería e pasado de ferro".
O Proxecto Actívate conta cun orzamento de 657.000 euros e o seu prazo de execución vai de febreiro de 2006 a xullo de 2007.
Descargar todas as imaxes
O grupo de formación está conformado por demandantes de emprego con especiais dificultades para a súa inserción no mercado laboral. Así, a maioría deles son persoas cunha discapacidade intelectual lixeira que buscan unha oportunidade para amosar a súa valía profesional.
Ademais do itinerario de inserción laboral de "experto/a en limpeza", o Proxecto Actívate está a desenvolver os itinerarios de "teleoperador/a" e "axudante de cociña en centros escolares e sociosanitarios", tendo previsto iniciar proximamente os de "monitor/a-conductor/a de transporte escolar e adaptado", "auxiliar de axuda a domicilio" e "lavandería, lencería e pasado de ferro".
O Proxecto Actívate conta cun orzamento de 657.000 euros e o seu prazo de execución vai de febreiro de 2006 a xullo de 2007.