As reservas para a actuación de UB40 á venda o mércores 24 de xullo
Abel Caballero sinalou que se trata “dun gran concerto”, que terá lugar o mércores 7 de agosto ás 22:00 horas.
O alcalde deu a coñecer hoxe os datos para adquirir a reserva de entradas para a platea no concerto da banda británica. A venda de reservas terá lugar o vindeiro mércores 24 de xullo.
Como no resto dos eventos do Vigo en Festas 2024, o Concello trata de proporcionar unha maior axilidade e facilidade á cidadanía, tendo operativa a venda de 9:00 a 14:00 e de 16:00 a 21:00 horas.
Poderanse adquirir un total de 5.000 localidades a un prezo de 15€, serán 4000 de xeito presencial no auditorio de Castrelos e 1000 en liña. En cada quenda estarán á venda 2000 reservas físicas e 500 de xeito online. Cada persoa poderá retirar 4 reservas nominativas, co que terán que acudir cunha copia do DNI (ou outro documento identificativo) das persoas para as que se queira adquirir a reserva.
Caballero tamén recordou que hoxe están dispoñibles as reservas de Luz Casal e mañá saen as do concerto de Aitana.