O goberno local habilita seis camas máis no albergue ante as previsións de baixas temperaturas
O goberno local reforzou a capacidade do albergue habilitando seis camas máis no piso básico dadas as previsións de baixas temperaturas. O dispositivo de frío segue operativo coa unidade de rúa distribuíndo bebidas quentes e mantas.
O alcalde deu conta esta mañá da continuidade do dispositivo de frío ante a previsión de baixas temperaturas. Co obxectivo de ampliar a prestación de pernocta, habilitáronse seis camas adicionais no piso básico do albergue. A pasada noite, aclarou o rexedor, derivouse a unha persoa a un hostal dado que todas as prazas de home estaban ocupadas no albergue municipal e no de Santa Cruz. Respecto das prazas de muller, hai catro dispoñibles.
A unidade de rúa segue a saír todos os días, de luns a domingo, ofrecendo bebida quente e o servizo de albergue si atopan persoas na rúa. Compráronse máis de 200 mantas especiais para persoas que non queren acceder a outro recurso e son distribuídas polos profesionais da unidade de rúa e pola Policía Local. Ademais, para as persoas que non queiran pernoctar pero si refuxiarse do frío, teñen a súa disposición unha sala de 09,30 a 20,00 h onde se lle servirá bebida quente en horario de mañá e de tarde.