O alcalde avanzou esta mañá que as luces de Nadal apagaranse ás 19,00 h do próximo domingo 10 de xaneiro. Será nun acto solemne organizado en Policarpo Sanz con aforo para medio cento de persoas sentadas en cadeiras.
Seguindo a normativa autonómica, explicou este venres Abel Caballero, o goberno de Vigo realizou nos últimos meses do pasado ano a roza dunha trintena de parcelas de propietario descoñecido, por razóns de salubridade e prevención de lumes. O investimento municipal ao efecto ascendeu a 18.000 euros.
As baixas temperaturas, con termómetros baixo cero en moitas zonas da cidade, mantivo á Policía Local en alerta para detectar placas de xeos e dar aviso aos servizos de limpeza. Foi necesario aplicar sal en 25 puntos de rúas e estradas, especialmente en lugares altos do rural.