Abel Caballero asistiu na sede da Comisión Europea en Bruxelas á entrega dos Access City Award que recoñecen o labor de varias cidades a prol da accesibilidade e mobilidade cidadá. Vigo é a única cidade española premiada, entre 52 de toda Europa.
Hoxe, 4 de decembro, comezan os actos conmemorativos do 25 aniversario da constitución do Consello Municipal da Muller, cunha xornada de convivencia para mulleres, no Hotel Coia. O 2 de decembro de 1993 nace o Consello, como unha iniciativa pioneira en todo o estado e co obxecto de garantir o dereito á participación na vida municipal das cidadás viguesas como colectivo social.