Trece entidades sociais, educativas e deportivas accederán de xeito gratuíto ás instalacións deportivas municipais o que supón para o Concello un desembolso de case 250.000 euros. Así o acordou esta mañá a Xunta de Goberno, nunha sesión na que tamén se deu conta da sinatura de 67 acordos de colaboración con outros tantos centros educativos para outorgar as bolsas de comedor.
Abel Caballero manterá este venres unha reunión en Vigo con responsables da Secretaría de Estado de Medio Ambiente para abordar o problema do subministro de auga na cidade.
O alcalde presentou esta mañá unha aplicación que xa funciona en Vigo e que calcula a mellor ruta para desprazarse en transporte público. Cualificou de moi importante un avance que facilita coñecer a chegada a paradas en tempo real. Moovit é gratuíta e está dispoñible en Android, iOS e Web.
Abel Caballero acudiu este xoves ao Museo Verbum para participar na inauguración da exposición do 130 aniversario da UXT. O alcalde de Vigo destacou o papel clave do sindicato e do PSOE na construción da democracia en España e na mellora das condicións dos traballadores.
O goberno de Vigo programa distintos actos para a tarde-noite do próximo mércores, 31 de outubro, tanto na Porta do Sol como na peonil do Calvario, diante do mercado. Abel Caballero invitou aos máis pequenos "a gozar do Samaín na cidade"
A Oficina Municipal de Voluntariado conta con 2.850 inscritos, unha cifra que o Concello quere reforzar para que teñan unha presenza constante na cidade. Esta tarde de xoves, o rexedor manterá un encontro con voluntarios no Centro Municipal do Casco Vello.