O Pleno da Corporación Municipal de Vigo celebrado este martes acordou o texto recollido a continuación sobre a crise migratoria e a situación dos refuxiados que chegan a Europa. Na nomeada declaración, o Concello de Vigo comprométese a sumarse a denominada rede de cidades-refuxio.
As dúas mocións presentadas polo grupo municipal socialista foron aprobadas por maioría absoluta cos votos favorables do PSdeG-PSOE e da Marea de Vigo e coa oposición dos concelleiros do Partido Popular. Así, o Pleno do Concello de Vigo, celebrado este martes, insta ao goberno galego a tramitar o carácter gratuíto do estacionamento do Hospital Álvaro Cunqueiro e a iniciar o proceso para reverter o centro ao ámbito público amais de dotalo do laboratorio central da área sanitaria de Vigo.
A Corporación estima que as partidas consignadas para Vigo no proxecto de orzamentos para o ano 2016 son "insuficientes" e que existen outros investimentos necesarios que non quedan recollidos no documento. Ademais, o Pleno deu luz verde a unha moción socialista que demanda ao Ministerio de Facenda que dite as instrucións necesarias para que o teito de gasto teña en conta o estado de gastos do orzamento en execución.
Cos votos favorables de PSOE e Marea de Vigo, o Pleno acordou este martes incrementar a partida de produtividade en 825.000 euros, unha proposta elevada polo goberno de Vigo atendendo ás condicións salariais do persoal municipal. A Corporación tamén deu luz verde á modificación orzamentaria para sufragar os custos dos contratos de recollida de lizo e limpeza viaria.