O dispositivo de acceso ao baño para persoas con mobilidade reducida prestarase este ano por primeira vez tamén na praia de O Vao. O tenente de alcalde, Santi Domínguez, salientou na presentación que "quixemos ampliar o servizo, que xa se viña prestando en Samil, para continuar avanzando na integración real das persoas que teñen algún tipo de discapacidade".
A Xunta de Goberno Local aprobou hoxe , nunha sesión extraordinaria e urxente, o programa de reforzo da Policía Local para o ano 2009, de carácter voluntario, e co fin de atender os servizos ordinarios e os propios da época estival.
A partir do martes 7 de xullo comezan no MARCO os obradoiros infantís de verán, que intentan achegar aos máis pequenos as obras dos artistas presentes nas salas do museo. A través de percorridos por salas, e de divertidas sesións no ‘Laboratorio das Artes’, os participantes traballan as súas habilidades e capacidades de observación, reflexión e interpretación da arte contemporánea.
Por primeira vez na historia deste Festival, o VIA STELLAE recala en Vigo para ofrecer no MARCO dous dos concertos incluídos no ciclo VIA STELLAE 20/21, no que a música contemporánea, os clásicos do século XX, as vangardas e os creadores galegos actuais son os protagonistas.<br />