Dez vehículos de Vitrasa dotados de Sistema SIAM (Sistema de Información en Autobuses Metropolitanos) entraron en funcionamento hoxe xoves. Este sistema innovador e pioneiro en España ten por obxectivo mellorar a información ao usuario e a accesibilidade integral do transporte público urbano.
A alcaldesa, Corina Porro, inaugurou hoxe xoves, acompañada polo presidente da Autoridade Portuaria, Abel Caballero, un monumento aos mariñeiros mortos e desaparecidos. O monumento está situado na praza de entrada ao porto pesqueiro.
O concelleiro Xulio Calviño, do PSdeG-PSOE, incorporouse hoxe xoves ao Consello da Xerencia Municipal de Urbanismo, onde será un dos tres representantes deste partido. Anteriormente ocupou o seu lugar Miguel Barros.