A Corporación Municipal acordou ,no pleno do pasado día 4 de novembro, a convocatoria dunha concentración o día 25 de novembro diante das portas do Concello ás 12,00 horas da mañá co gallo do "Día da non violencia contra as mulleres".
O Consello da Xerencia Municipal de Urbanismo propúxolle hoxe xoves á Xunta de Goberno Local a anulación da aprobación definitiva do proxecto de normalización de predios da UR 1 de Esparramán, de Bembrive.
A Xunta de Goberno Local mantivo hoxe xoves unha reunión extraordinaria e urxente. Entre os proxectos que aprobou están o de construción dunha piscina cuberta en Valadares e o de rehabilitación do estanque e do muro de peche do xardín histórico do Pazo Museo Quiñones de León.
A alcaldesa Corina Porro e o presidente da Deputación, Rafael Louzán, asinaron hoxe xoves convenios de colaboración con 14 clubes deportivos de categoría nacional da cidade, que participan en competicións federadas, por importe de 256.500 euros.
A alcaldesa, Corina Porro, entrevistouse hoxe xoves no Concello co director xeral de Cooperación e Comunicación Cultural do Ministerio de Cultura, Carlos Alberdi, para trataren da futura colaboración do Ministerio co Museo de Arte Contemporánea (MARCO) e da posibilidade de dotar a Vigo dunha biblioteca do Estado.
O estreno en España da ópera "A Cenicienta" é a obra elexida para pechar o ciclo "A formación de públicos no Are More" os vindeiros 25 e 26 de novembro no Teatro Fraga-CaixaGalicia, baixo a dirección musical de Aurelio Viribay e a dirección de escena de Alberto de Miguel.
A Concellería da Muller en colaboración coa Asociación Rede de mulleres veciñais contra os malos tratos de Vigo abre o prazo de inscrición para o curso:<br /> "Obradoiro: valoración da identidade e da autoestima na muller"