O Pleno do Concello aprobou por unanimidade, coa abstención de Proguesistas Vigueses, un convenio de colaboración coa Xunta de Galicia e a Autoridade Portuaria, polo que se comprometen na creación dun auditorio-pazo de Congresos, así como dunha zona complementaria.
A proposta referente á construcción dun Centro Comercial na dársena de A Laxe, aprobada pola Xunta Municipal de Voceiros, foi ratificada polo Pleno da Corporación por unanimidade. Desta maneira, o Concello reafírmase na idea de utilizar os terreos para o esparcemento público dos cidadáns.
A Xunta de Goberno Local aprobou, en sesión ordinaria, o proxecto "Automatización das instalacións de saneamento", cun presuposto de 1.198.561 euros. O obxecto desta iniciativa é o de definir unha solución de control integral para o colector da marxe da ría e de outros bombeos do servicio de saneamento.
A exposición da oitava edición do Concurso de Carteis que se celebra cada ano con motivo das Festas do Cristo, terá lugar mañán na aula didáctica do Museo de Castrelos, onde se poderá visitar ata o 15 de agosto.
O auditorio de Castrelos será o protagonista do concerto do conxunto "Mago de Oz" que terá lugar o luns 26 de xullo ás 23.00 horas. O prezo da entrada será de 6 euros, sen asento.