A alcaldesa traslada a Zapatero a preocupación de que Vigo non dispoña dun Xulgado do Mercantil
A alcaldesa, Corina Porro, entregoulle ao presidente de Goberno, José Luis Rodríguez Zapatero, un informe coas demandas pendentes da cidade en asuntos de competencia estatal. O acto tivo lugar esta mañá en Santiago de Compostela nun encontro que o presidente do Goberno mantivo cos alcaldes das sete grandes cidades de Galicia no que se abordou a necesidade de contar con maior financiamento local por parte dos concellos.
