A concelleiro de Benestar Social, Ignacio López Chaves, presentou o dispositivo de accesibilidade para facilitarlle o baño ás persoas con mobilidade reducida que funcionará ata o vindeiro 31 de agosto na praia de Samil. O servizo ponse en marcha coa colaboración da Cruz Vermella e financiado por Caixanova.
A concelleira de Comercio, Lucía Molares e a delegada da Consellería de Industria en Vigo, Carmen Bianchi confirmaron hoxe a concesión das axudas por parte da Xunta para acometer accións de dinamización das zonas peonís e comerciais así como para obras nos mercados.
Na data 22 de xuño de 2004 tiveron entrada no Rexistro Xeral do Concello escritos de convocatoria de folga nos centros de traballo da empresa Viguesa de Transportes S.L,concesionaria do transporte urbano colectivo da cidade, suscritos pola Unión Xeral de Traballadores e a Confederación Intersindical Galega, para os días 5,8,12,15 de xullo e de forma indefinida a partir do 19 de xullo todos os luns, mércores e venres.
O MARCO presenta dende o venres día 2 unha exposición co título "O Lapis Máxico" a ilustración de libros infantís no Reino Unido na actualidade que se poderá visitar ata o 12 de setembro.