A concellería de Mobilidade e Seguridade habilitou 127 novas prazas de aparcamento para persoas de mobilidade reducida que se suman ás 105 que existían ata o momento. O concelleiro de Mobilidade, Antonio Coello, manifestou que as prazas están indicadas e pintadas e que a policía municipal realiza u control exhaustivo do seu bo uso.
O concelleiro do Área de Asuntos Sociais, Ignacio López Chaves, presentou a exposición "A arte está nas túas mans" que se poderá visitar na Casa Galega da Cultura do 17 de marzo ó 25 de abril.
A alcaldesa Corina Porro e o conselleiro de Medio Ambiente , Xosé Manuel Barreiro, inauguraban hoxe a exposición "Achégate ó Monte" que organiza o departamento autonómico con motivo da celebración da Semana da Arbore. A mostra, situada no Edificio Administrativo da Xunta, permanecerá aberta ó público ata 26 de marzo.